Avdelingsdirektør/Fylkeslege

Statsforvaltaren i Rogaland

Lagårdsveien 44, Stavanger, 4010 Stavanger

Om jobben

Stillingstittel
Avdelingsdirektør/fylkeslege
Type ansettelse
Fast, heltid 100%
Arbeidsspråk
Norsk
Antall stillinger
1

Søk senest torsdag 8. januar

Om stillinga

Helse-, sosial- og barnevernsavdelinga er den største avdelinga hos Statsforvaltaren i Rogaland og har stor breidde i ansvar og oppgåver innafor helse- sosial- og barnevernsområdet. Avdelinga blir styrka i 2026 med meir midlar og utviklingsarbeidet som følger med dette.

Helse-, sosial- og barnevernsavdelinga har ansvar for gjennomføring av statleg helse- og omsorgspolitikk, mellom anna folkehelsearbeid, førebyggjande helsetenester og oppfølging av statlege handlingsplanar på avdelinga sine områder. Avdelinga har eit omfattande ansvar for tildeling av tilskot til kommunar, samtidig som utviklingsarbeidet og inneber informasjons- og rettleiingsverksemd.

Avdelinga fører tilsyn med helse- og omsorgstenestene og alt helsepersonell, barnevernstenestene og dei sosiale tenestene i fylket.

Tilsynet skjer ved planlagde og hendelsesbaserte tilsyn med kommunar, spesialisthelsetenesta og verksemder.

Vidare skal avdelinga ivareta rettstryggleiken for den einskilde gjennom handsaming av rettigheits- og klagesaker etter helse-, omsorgs-, sosial- og barnevernslovgjevinga.

Statsforvaltaren i Rogaland har ei landsdekkande funksjon innanfor helse, helseberedskap, drikkevatn, næringsmiddel og reinhald i petroleumsnæringa på norsk kontinentalsokkel.

Statsforvaltaren i Rogaland er kontaktfylkeslege for Helse Vest.

Statsforvaltaren i Rogaland søkjer avdelingsdirektør/fylkeslege til helse-, sosial- og barnevernsavdelinga vår. Dette er ei spennande leiarstilling i eit tverrfagleg miljø med stor samfunnsbetydning. Som ein del av embetsleiinga får du høve til å påverke utviklinga av helse- og omsorgstenester i fylket – og bidra til rettstryggleik for innbyggjarane.

Arbeidsoppgåver

Som fylkeslege/avdelingsdirektør er du, saman med to assisterande avdelingsdirektørar, leiar for ei avdeling med 50 engasjerte medarbeidarar.

Avdelingsdirektøren:
har det overordna faglege og administrative ansvaret for avdelinga
har ansvar for å leie og utvikle arbeidet i avdelinga
har økonomi- og resultatansvar for avdelinga
ansvar for verksemdplanlegging og risikostyring
deltar saman med embetsleiinga og dei andre avdelingsdirektørane delta i planlegging og gjennomføring av Statsforvaltaren sine samla oppgåver
skal ta initiativ til samarbeid og samordning, både internt og med kommunar, fylkeskommune og andre offentlege og private verksemder
skal ha kontakt mot media og skal vektleggje informasjon internt og eksternt

Kvalifikasjonskrav

Du er ein dyktig leiar som har:
har medisinsk embetseksamen og norsk autorisasjon som lege
har godkjent spesialitet i eit klinisk fag eller samfunnsmedisin, søkjarar utan ferdig spesialistgodkjenning kan og søkje
har god fagleg innsikt i deler av avdelinga sin arbeidsoppgaver og blikk for samspelet mellom desse og samfunnet
har gode leiareigenskapar og relevant Ieiarerfaring
kunnskap om delar av fagfeltet til avdelinga
evne til å prioritere og skape resultat

Personlege eigenskapar:
evne til å utvikle og motivere kunnskapsmedarbeidarar
god arbeidskapasitet og evne til å jobbe strukturert og nøyaktig
gode formidlingsevner munnleg og skriftleg
god relasjonell kompetanse

Vi legg vekt på at den vi ser etter, skal vere personleg eigna til stillinga.

Du må kunne sikkerheitsklarerast.

Vi tilbyr
lønn etter avtale i stilling som fylkeslege
høve til å påverke samfunnsutviklinga i ein spennande region
ordna og fleksible arbeidsforhold og statleg avtaleverk
god pensjonsordning, gruppelivsforsikring og moglegheit for bustadlån gjennom Statens pensjonskasse (det blir trekt 2% pensjonsinnskot frå lønna)
fleksibel arbeidstid og statleg avtaleverk
HjemJobbHjem-ordning

Det er 6 månaders prøvetid i stillinga.

Slik søkjer du

Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT.

Offentleg søkjerliste utarbeidast etter søknadsfristens utløp. Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel om reservasjon ikkje tas til følgje.

Kontaktperson for stillingen

Bent Høie

statsforvalter

Bent.Hoie@statsforvalteren.no

Om bedriften

Statsforvaltaren er Kongen og regjeringa sin representant i fylket og skal arbeide for at Stortinget og regjeringa sine vedtak, mål og retningslinjer blir følgde opp i Rogaland. Oppgåvene er i hovudsak rettleiing, tilsyn og klagebehandling, som er retta mot enkeltpersonar, kommunar og bedrifter.

Statsforvaltaren skal medverke til å samordne, forenkle og effektivisere statlege verksemder i fylket.

Statsforvaltaren har eit særleg ansvar for å følgje opp berekraftmåla på fagområda våre, og skal som ein del av arbeidet vårt formidle relevant kunnskap til andre aktørar i regionen.

Statsforvaltaren har oppgåver innan fagområda miljøvern, landbruk, utdanning, helse, beredskap, sosial- og familierett, verjemål, kommuneøkonomi og planlegging. Embetet har ca. 200 tilsette.

Sektor

Offentlig

Nettsted

http://www.statsforvalteren.no/Rogaland/

Annonsedata

Stillingsnummer

b0c31131-5f87-40dc-8b61-1d3751f0cc3c

Sist endret

17. desember 2025

Hentet fra

jobbnorge

Referanse

10274260

Lignende annonser
Avdelingsleder ved Avdeling for folkehelse

Arbeidsgiver

Universitetet i Stavanger

Sted

Stavanger

Avdelingsdirektør Tilsyn Vest

Avdelingsdirektør

Arbeidsgiver

Arbeidstilsynet

Sted

Bergen, Stavanger

Ledig stilling som administrasjonssjef i Vest statsadvokatembeter

Arbeidsgiver

Den høyere påtalemyndighet

Sted

Molde, Bergen, Stavanger