Trusselmedarbeidar

Møre og Romsdal Politidistrikt

Nedre Strandgate 50, 6005 Ålesund, Strandgata 2, 6415 Molde

Om jobben

Stillingstittel
Trusselmedarbeidar
Type ansettelse
Fast, heltid 100%
Arbeidsspråk
Norsk
Antall stillinger
1
Arbeidssted
Hybridkontor

Søk senest mandag 8. desember

Om stillinga

Vi har ledig fast stilling som førebyggjar med hovudoppgåve å utarbeide trusselvurderingar, ved Felles eining for etterretning, førebygging og etterforsking (FEFE).

Stillinga har brei kontaktflate internt i eigen organisasjon mot ulike fagområde innan førebygging, etterretning og etterforsking, samt barnehuset, dei geografiske einingar og PST. For å komme i mål med arbeidet er også kontaktflaten med dei eksterne ressursane svært viktig, under dette svært mange avdelingar innan kommunal sektor, BufEtat, utdanningsinstitusjonane og helse.

Stillinga treff svært godt samfunnsoppdraget til politiet, og opplevast meiningsfullt med svært gode tilbakemeldingar på politiet sitt førebyggjande engasjement for å tryggje innbyggjarane.

FEFE består totalt sett av seksjon for Statens barnehus, seksjon for etterretning og analyse, seksjon for førebygging og seksjon for etterforsking. Stillinga er for tida organisert ved seksjon for førebygging og skal utførast primært på dagtid, med moglegheit for avgrensa bruk av heimekontor etter avtale. Oppmøtestad er anten Kristiansund, Molde eller Ålesund, evt. andre lokasjonar etter nærmare avtale.

Dette ser vi etter hos ein ny medarbeidar

Vi ser etter deg som er motivert, framoverlent og interessert i førebygging av vald. Du vil trivst med å arbeide systematisk og analytisk med trusselvurderingar innanfor saker der trusselgruppa har ansvar.

Vi stiller høge krav til fagleg kompetanse, motivasjon, arbeidsmoral og etisk integritet. Evna til å vere trygg, nærverande, lydhøyr og dessutan å byggje tillit til publikum, er avgjerande for suksess i organisasjonen vår.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Arbeidsoppgåver
Utarbeide skriftlege trusselvurderingar på oppmoding i prioritert rekkjefølgje frå trusselkoordinator og avgjerdsgruppe
Vere avløysar for trusselkoordinator ved behov
Utføre praktisk arbeid for varetaking av trusselutsette og trusselutøvarar saman med fleire
Delta i lokal trusselgruppe leia av trusselkoordinator
Kvalitetssikre og implementere risikoreduserande tiltak saman med fleire
Rådgjevar for metodebruk på fagområdet
Intern og ekstern opplæring innan fagfeltet i form av foredrag og representasjon i ulike forum
Delta fagleg i grupper og utval innan fagområdet
Samarbeide med eiga og andre driftseiningar og eksterne aktørar i det risikoreduserande og førebyggjande arbeidet
Kan påleggjast andre arbeidsoppgåver

Kvalifikasjonar

Dette må du ha for å vere kvalifisert:
Fullført og bestått politihøgskule/politiskule
Fenomenkunnskap om vald i nære relasjonar og æresrelatert vald
Minimum tre års arbeid i politistilling
Gode språkkunnskapar, både munnleg og skriftleg, norsk og engelsk
Gode ferdigheiter i politiet sine datasystem
Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga
Krav om sikkerhetsklarering og autorisering til BEGRENSET

Det er også ønskjeleg med:
Kompetanse og erfaring innan førebygging
Erfaring innan etterforsking og førebyggande risikoanalyse og risikohandtering/trusselarbeid
Etterretning modul 1 - introduksjon
Kompetanse innan kulturforståing og mangfold, konflikthandtering og kriminalitetsførebygging, samt undervisning eller rettleiiing
Erfaring med førebyggjande risikoarbeid og bruk av verktøya SARA og Patriark
Gode evner til å kommunisere på andre språk

Personlege eigenskapar
Evne til samhandling med interne og eksterne aktørar/etatar
God gjennomføringsevne
Løysingsorientert
Gode kommunikasjonsevner
Sjølvstendig og ansvarleg

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her.

Dette kan vi tilby om du vel oss
Ein utfordrande og spennande arbeidsplass for deg som vil vere med og forme politiet for framtida
Stillinga vert lønna som politibetjent 3/2/1 (stillingskode 1461/1459/1457), avhengig av kompetanse jf. kompetansekriteriene for politibetjenter, med årslønn:
Politibetjent 3: frå kr. 590 000 til kr. 680 000
Politibetjent 2: frå kr. 535 000 til kr 585 000
Eller som politiførstebetjent, stillingskode 0285, avhengig av kvalifikasjonar, frå kr. 610 000 til kr. 700 000
Godtgjersle etter gjeldande ATB for tida på kr. 44 708, og tillegg for eventuell turnusteneste
For særskilt kvalifiserte kan noko høgare lønnsplassering og stillingskode bli vurdert
Du vil bli medlem i Statens pensjonskasse som gir deg mange gode. Les meir om tilsettingsgoda dine på spk.no/medlemskap-i-spk.
Det blir trekt to prosent frå løna til innskot i Statens pensjonskasse
Fleksibel arbeidstid og mogelegheit for trening i arbeidstida
Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her.

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc
Slik søkjer du

Du søkjer ved å skrive eit kort søknadsbrev, registrere utfyllande CV og leggje ved relevante vitnemål og attestar.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Kontaktperson for stillingen

Arild Helland

Seksjonsleiar

+4741440486

arild.helland@politiet.no

Om bedriften

Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer med ei befolkning på om lag 272 500 menneske. Majestetiske fjellområde som Trollheimen, Romsdalsfjella, Sunnmørsalpane og Tafjordfjella set naturlege avgrensingar i fylket og politidistriktet. Ein stor del av befolkninga bur langs kysten og på øyar.

Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Politidistriktet har også kontinentalsokkelberedskap frå Stad til Helgeland.

Politidistriktet har om lag 650 tilsette og vert leia av politimeister med hovudsete i Ålesund. Vi er organisert i to geografiske driftseiningar med til saman 18 politistasjonar og sommaråpen politistasjon i Geiranger. I tillegg har vi fire funksjonelle driftseiningar: Felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR og HMS.

Sektor

Offentlig

Nettsted

https://www.politiet.no/

Annonsedata

Stillingsnummer

50299718-5a1a-4f25-b65e-cb1d024c207b

Sist endret

26. november 2025

Hentet fra

jobbnorge

Referanse

10271311

Lignende annonser
Politibetjent 3/2/1

Arbeidsgiver

Møre og Romsdal Politidistrikt

Sted

Ålesund

Operasjonsleiar

Arbeidsgiver

Møre og Romsdal Politidistrikt

Sted

Ålesund

Operativ grensekontrollør

Arbeidsgiver

Møre og Romsdal Politidistrikt

Sted

Ålesund